هذه قصيدة للشاعر / أحمد محمد حسن ( مـــــراد ) وددت أن أقدمها لكم وأرجو أن تنال إعجابكم
كنت تحـــــلم
كنت تحلم إن " فرعون " يعزلوه "؟!
أو" هامان" يحبسوه ويحاكموه
أو حرامي " عز سوبر" يمسكوه
كنت تحلم إنها ترجع بلدنا " مش بلدهم "
زى ما كنا نرددها بحصره وبمرارة
كنت تحلم . . تبقى في العين والصدارة
أبهى وأحب صورة
كنت تحلم تمشي .. ما تبصش وراك
حر.. لا يغلس عليك ضابط
ولا يلسع قفاك ..مخبر حقير
كنت تحلم تنقطع إيد النــــهابة
يرجع الوطن إلي غايب للغلابة
بعد ما كانوا اللصوص بيقسموه
كنت تحلم إننا ...
لسه فاضل مننا
قلب وضمير
نفس حرة ، وش خير
بعد ما سلمنا
إن كل الحلو... فينا شوهوه !!
******
كنت تحلم يتعدل تاني الميزان
بعد ما الأندال داسوه
انهاردة ...اتملا قفص العدالة بالكواسر
كل سفاح ... كل فاسد ... كل فاجر
أوعوا لحظة ترحموه ...
كنت تمشي جنب حيطة ، جوه حيطة
لجل عن عينهم تتوه ..
تقضي عمرك في انصياع
حاسس إنك شيء مشاع
شيء يتيم .. شيء كسير
زى ناس غيرك كتيييييييييير
مهما تحلف ، كنت تحلم
مهما أحلم ، كنت باعشم
اللي جبناه بدمنا
واللي صار من حقنا
غالي ، ومهم ، وكبير
******
كنت تحلم تستلذ اللقمة ويغور المرار
كنت تحلم ... أنه يطلعلك نهار
جايب معاه حريتك ... ضحكتك
حقك .. كرامتك عزتك
صوتك الحر اللي ياما زوروه
كنت تحلم بكره يوم مش أي يوم
صبح خالي من القلق .. م الهموم
صبح من غير جلادين ولا غشاشين
ولا مصاصين دم الوطن ، ولا طبالين
صبح خالي م المهانة
يرجع الوطن / المكانة
يرجع الأب المغرب ، للولاد المخلصين
يتولد بكره اللي ياما استنناه
غنينا وبكينا وفتحنا معاه
الــــــــــــــــــــلــــــــــــــــــــه
زى منكون مسحورين
فرحانين... ما إحنا لسه مولودين
طيارين ... ما إحنا لسه معتوقين
نبكي وإحنا فرحانين
زى ما نكون لدلوقتي مش متصورين
والا مش ... مصدقين
******
كنت تحلم ترجع الروح اللي غابت
كل أحلامنا اللي شابت
ترجع الشمس اللي كتفها الكسوف
يندهك صوت الوطن : اصح وشوف
حقك أهه .. مستقبلك .. حريتك
حلمك .. مصيرك .. ثروتك ..
وطنك الغالي اللي عنك توهوه أوعى تنساه لو للحظة ..
ده كيانك .. ده ضمانك .. ده أمانك
أوعى تاني يسرقوه
شعر الأستاذ : أحمد محمد حسن ( مــــــــــراد )
كنت تحـــــلم
كنت تحلم إن " فرعون " يعزلوه "؟!
أو" هامان" يحبسوه ويحاكموه
أو حرامي " عز سوبر" يمسكوه
كنت تحلم إنها ترجع بلدنا " مش بلدهم "
زى ما كنا نرددها بحصره وبمرارة
كنت تحلم . . تبقى في العين والصدارة
أبهى وأحب صورة
كنت تحلم تمشي .. ما تبصش وراك
حر.. لا يغلس عليك ضابط
ولا يلسع قفاك ..مخبر حقير
كنت تحلم تنقطع إيد النــــهابة
يرجع الوطن إلي غايب للغلابة
بعد ما كانوا اللصوص بيقسموه
كنت تحلم إننا ...
لسه فاضل مننا
قلب وضمير
نفس حرة ، وش خير
بعد ما سلمنا
إن كل الحلو... فينا شوهوه !!
******
كنت تحلم يتعدل تاني الميزان
بعد ما الأندال داسوه
انهاردة ...اتملا قفص العدالة بالكواسر
كل سفاح ... كل فاسد ... كل فاجر
أوعوا لحظة ترحموه ...
كنت تمشي جنب حيطة ، جوه حيطة
لجل عن عينهم تتوه ..
تقضي عمرك في انصياع
حاسس إنك شيء مشاع
شيء يتيم .. شيء كسير
زى ناس غيرك كتيييييييييير
مهما تحلف ، كنت تحلم
مهما أحلم ، كنت باعشم
اللي جبناه بدمنا
واللي صار من حقنا
غالي ، ومهم ، وكبير
******
كنت تحلم تستلذ اللقمة ويغور المرار
كنت تحلم ... أنه يطلعلك نهار
جايب معاه حريتك ... ضحكتك
حقك .. كرامتك عزتك
صوتك الحر اللي ياما زوروه
كنت تحلم بكره يوم مش أي يوم
صبح خالي من القلق .. م الهموم
صبح من غير جلادين ولا غشاشين
ولا مصاصين دم الوطن ، ولا طبالين
صبح خالي م المهانة
يرجع الوطن / المكانة
يرجع الأب المغرب ، للولاد المخلصين
يتولد بكره اللي ياما استنناه
غنينا وبكينا وفتحنا معاه
الــــــــــــــــــــلــــــــــــــــــــه
زى منكون مسحورين
فرحانين... ما إحنا لسه مولودين
طيارين ... ما إحنا لسه معتوقين
نبكي وإحنا فرحانين
زى ما نكون لدلوقتي مش متصورين
والا مش ... مصدقين
******
كنت تحلم ترجع الروح اللي غابت
كل أحلامنا اللي شابت
ترجع الشمس اللي كتفها الكسوف
يندهك صوت الوطن : اصح وشوف
حقك أهه .. مستقبلك .. حريتك
حلمك .. مصيرك .. ثروتك ..
وطنك الغالي اللي عنك توهوه أوعى تنساه لو للحظة ..
ده كيانك .. ده ضمانك .. ده أمانك
أوعى تاني يسرقوه
شعر الأستاذ : أحمد محمد حسن ( مــــــــــراد )
